د دغه ولایت د والي ویاند حسام الدین شمس د یکشنبې په ورځ کلید ته وویل، په ترسره شوو بریدونو کې اته وسله وال طالبان وژل شوي او نهه نور ټپیان شوي دي.
دی زیاتوي چې طالبانو د افغان سرتېرو پر نورو پوستو هم بریدونه کړي چې یو پولیس پکې ټپي شوی دی.
د نوموړي په وینا، په دغو پېښو کې د طالبانو وسلې او مهمات هم له منځه وړل شوي دي.
خو وسله والو طالبانو تر اوسه په دې اړه څه نه دي ویلي.
د یادولو وړ ده چې په دې وروستیو کې د بادغیس د ګڼ شمېر ولسوالیو امنیتي حالت تر بل هر وخت خراب شوی دی.
