د دوزارت څخه په خپره شوې خبرپاڼه کې راغلي چې د بهرنیو چارو وزیر د مسکو غونډې وروستۍ اعلامیه د افغانستان د سولې خبرو د پیاوړتیا په لور یو مهم ګام بللی او د سولې بهیر د بریا لپاره یې د پاکستان په ګډون د سیمې او نړۍ د هېوادونو پر رول ټینګار کړی.
خبرپاڼه زیاتوي دواړو لوریو د مسکو سولې خبرو او د انقرې د خبرو پایلو په اړه هم خبرې وکړې او د مسکو، انقرې غونډې یې د دوحې د سولې بهیر د دوام او تکمیلونکۍ وګڼلې.
د پاکستان د بهرنیو چارو وزیر شاه محمود قریشي په خبرو کې ډاډ څرګند کړی چې هېواد به د افغان سولې اړوند په راتلونکو غونډو کې آسیا زړه – استانبول پروسې د بهرنیو چارو وزیرانو د نهمې ناستې په ګډون، په ترکیه کې د سولې خبرو راتلونکی پړاو او همداشان د بهرنیو چارو وزیرانو مجازی ناسته کې چې د ملګرو ملتونو په کوربه توب جوړيږي، فعاله برخه واخلي.
په خبرپاڼه کې دا هم راغلي چې، دواړو لوریو د دواړو هېوادونو تر منځ د موجوده میکانیزمونو له لارې د اقتصادي اړیکو پر پیاوړتیا هم خبرې کړې دی او ټینګار یې کړی چې د سوله او ثبات د سیمهایزو ارتباطي پروژو د تطبیق په برخه کې، چې د افغانستان له لارې جنوبي آسیا له مرکزي آسیا سره وصل کړي، کلیدي رول لوبوي.
کلید ګروپ په ټویټر او فیسبوک کې وګورئ
