له ارګ څخه په خپره شوې خبرپاڼه کې راغلي دي چې جمهور رییس محمد اشرف غني د افغان سولې لپاره د امریکا د بهرنیو چارو وزارت له ځانګړي استازي زلمي خلیلزاد سره لیدلي او له هغه سره د سولې پروسې د راتلونکو ګامونو په اړه خبرې کړې دي.
خبرپاڼه زیاتوي په دې لیدنه کې زلمي خلیلزاد د سیمې هېوادونو ته د وروستیو سفرونو او فعالیتونو په اړه جمهوررییس غني ته معلومات ورکړل او دواړو لوریو د سولې پروسې او په دې اړه د راتلونکو اقداماتو په اړه بحث او خبرې کړې دي.
زلمی خلیلزاد په داسې حال کې له جمهور رییس غني سره ګوري چې تر دې وړاندې یې په دوحه کې د طالبانو د سیاسي دفتر مشر ملاعبدالغني برادر سره هم لیدلي او له هغه سره هم غږیدلی.
دا لیدنې داسې مهال ترسره کېږي چې ټاکل شوې د مارچ په اتلسمه نېټه په مسکو کې د افغان سولې په تړاو غونډه ترسره شي چې دې غونډې ته افغان حکومت او طالبانو د خپلو پلاوو د لېږلو ډاډ ورکړی.
کلید ګروپ په ټویټر او فیسبوک کې وګورئ
