د کندهار د امنیه قومندانۍ ویاند جمال ناصر بارکزی وايي، نن د کندهار پنځمې امنیتي حوزې اړوند د اتفاق سرای په سیمه کې وسله والو د تېلو پر ټانکر چسپکي ماین نښلولی و، چې د امنیتي ځواکونو له لوري یې مخه ونیول شوه.
د بارکزي په خبره، د پنځمې امنیتي حوزې پولیسو د خلګو په مرسته یاد ماین کشف او تر چاودنې وړاندې شنډ کړی دی.
په دغه سرای کې سلګونه په تیلو، ګازو او یو شمېر نور توکو بار موټرونه ولاړ وي.
تر اوسه د ماین اېښودلو مسولیت کومې ډلې نه دی منلی.
