د دغه ولایت د امنیه قومندانۍ ویاند فردوس فرامرز وایي، په هغه صورت کې چې کابل ته بې اسنادو موټر راشي، د پولیسو له لوري درول کېږي او موټر چلوونکی به د پولیسو تر څار لاندې وي.
د هغوی په وینا، د دغه کار هدف په ښار کې د ترهګریزو بریدونو او تښتوونو مخنیوی دی.
امنیتي چارواکو له هېوادولو غوښتنه کړې چې د قانون په پلي کېدو له امنیتي بنسټونو سره همکاري وکړي.
د یادولو وړ ده چې وسله والې ډلې تل له بې اسنادو موټرو څخه ګټه اخلي او پر مټ یې ترهګریزې کړنې ترسره کوي.
