له دغه وزارت څخه د شنبې په ورځ په خپره شوې خبرپاڼه کې لیکل شوي، دفاعي او امنیتي ځواکونو دهوايي ځواکونو په ملاتړ د کندهار ولایت په ارغنداب او ژېړۍ ولسوالیو کې د طالبانو پر وړاندې چانیز عملیات ترسره کړي.
خبرپاڼه زیاتوي، د دغو عملیاتو په پایله کې ۲۸ طالبان وژل شوي او اته نور ټپیان شوي دي.
د سرچینې په وینا، د عملیاتو په پایله د طالبانو یو موټر، درې موټرسایکلونه، درې بوجۍ چاودېدونکي توکي او یوه اندازه وسلې هم له منځه وړل شوې دي.
همداراز په ارغنداب ولسوالۍ کې ۱۱ کړۍ ماینونه، چې د ملکي خلکو، دفاعي او امنیتي ځواکونو د وژلو په هدف ځای پرځای شوي وو، شنډ شول.
طالبانو تر اوسه په دې تړاو غبرګون نه دی ښودلی.
