د یاد ولایت د والي ویاند واحدالله جمعهزاده وایي، نن سهار شپږ بجې او ۳۰ دقیقې پر غزني ښار د وسله والو مخالفینو له لوري دوه توغندي توغول شوي دي.
د هغه په وینا، یو توغندی پر سړک او بل پر یوې هټۍ لګېدلی دی.
دی زیاتوي چې په دې پېښه کې چاته د سر زیان نه دی اوښتی، خو مالي زیانونه یې اړولي دي.
جمعه زاده که څه هم دا د وسله والو مخالفینو کار بولي، خو تر اوسه کومې وسله والې ډلې د دغو بریدونو مسولیت نه دی منلی.
