د دې ډلې ویاند قاري یوسف احمدي د جمعې په ورځ پر خپل ټوېټرپاڼه دا خبره کړې ده.
هغه ویلي چې دغه شمېر افغان سرتېري یې د خپل مشر د بښنې فرمان له مخې ازاد کړي او خپلو کورنیو ته یې سپارلي دي.
دا بندیان پر داسې مهال ازادېږي چې په دوحه کې د افغان سولې مرکچي پلاوي او طالبانو تر منځ د سولې په تړاو خبرې روانې دي.
که څه هم تر اوږده ځنډ وروسته دا لړۍ بیرته پیل شوې، خو تر اوسه یې د جوت پرمختګ خبر نه دی ورکړل شوی.