ads

حکومت: هیله ده پاکستان طالبان د تاوتریخوالي کمولو ته وهڅوي

د افغانستان د بهرنیو چارو وزارت له پاکستان څخه غوښتنه کړې چې طالبان د تاوتریخوالي کمولو او تلپاتې اوربند ته وهڅوي.

محمدخان بریال
5 سلواغه 1399
حکومت: هیله ده پاکستان طالبان د تاوتریخوالي کمولو ته وهڅوي

د بهرنیو چارو وزارت دغه څرګندونې د پاکستان د بهرنیو چارو د وزیر شاه محمود قریشي د هغو څرګندونو په غبرګون کې کړې چې د طالبانو او امریکا د هوکړې په اړه‌یې کړې دي.
قریشي تازه ویلي، د امریکا نوی جمهور جو بایډن باید د افغانستان د سولې بهیر روان وساتي او له دغه هېواد څخه د ځواکونو د وتلو پروسه هم ونه‌دروي.
قریشي زیاته کړې، امریکا باید وضعیت درک کړي او د شا تګ پر ځای باید هغه څه روان وساتي چې پیل شوي دي.
د بهرنیو چارو وزارت له لوري تېره شپه ناوخته په خپره شوې خبرپاڼه کې راغلي، طالبانو په “بې‌ساري” ډول تاوتریخوالی زیات کړی او د سولې د خبرو پر وړاندې یې تازه خنډونه جوړ کړي دي.
افغان حکومت ټینګار کړی چې پاکستان او نور نړیوال شریکان باید طالبان وهڅوي چې له ترهګرو ډلو سره اړیکې پرې کړي.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2021

Copyright 2020 © TKG: A public media project of DHSA