ads

افغانستان او سعودي د علمي او ښوونیزو همکاریو د پراختیا په هدف تفاهم وکړ

د افغانستان د بهرنیو چارو وزارت خبر ورکوي چې د بهرنیو چارو وزیر محمد حنیف اتمر د سعودي عربستان د پوهنې له وزیر ډاکټر حمد بن محمد آل شیخ سره لیدلي او دواړو  د پوهنې او روزنې په برخه کې د همکاریو پر پراختیا او یو شمېر نورو موضوعاتو خبرې کړې دي.

شمس الرحمن شمس
3 سلواغه 1399
افغانستان او سعودي د علمي او ښوونیزو همکاریو د پراختیا په هدف تفاهم وکړ

له دغه وزارت څخه په خپره شوې خبرپاڼه کې راغلي چې د سعودي عربستان د پوهنې وزیر د لیسانس او ماسټرۍ په برخه کې د تحصیلي بورسونو د زیاتیدو او همدارنګه د افغانانو له پاره د مسلکي او تخصصي زده کړو د زمینې د برابرولو په هدف د خپل هېواد چمتوالی وښود.

نوموړي ټینګار کړی د ښوونکو د روزنې او د شته نمونو او تجربو په کارولو سره د تعلیمي برنامو او درسي نصاب د پراختیا په برخه کې له افغانستان سره مرسته کوي.

خبرپاڼه زیاتوي چې د دې لیدنې په پای کې دواړو لورو د پوهنې وزارتونو د علمي او ښوونیزو همکاریو د پراختیا په موخه د تفاهم سند لاسلیک کړ.

د تفاهم د دې سند په رڼا کې به د پوهنې د برخې د مسوولینو او د محصیلنو د پلاوو ترمنځ علمي لیدنې زیاتې شي او په افغانستان کې به د عربي ژبې د زده کړې مینوالو ته د ژبې د زدکړې اسانتیاوې رامنځته شي.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2021

Copyright 2020 © TKG: A public media project of DHSA