سرچینې وایي، داعش وسله وال په موټرو کې دې سیمې ته تللي وو او پر یاده نظامي اډه یې برید وکړ.
د راپورونو پر اساس، د داعش ترهګرو له لوري د دې نظامي اډې تر نیولو وروسته له «مارته» سیمې زرګونه کورنۍ وتلې دي.
د یادولو وړ ده چې په دې وروستیو کې د بوکو حرام ډلې هلته پر یو ښوونځي هم برید وکړ چې لسګونه زده کوونکي یې وتښتول.
دې ډلې څو کاله وړاندې له داعش ډلې سره بیعت اعلان کړی و.
دا په داسې حال کې ده چې له ۲۰۰۹ میلادي کال راهیسې ۲۰ زره کسان د بوکو حرام ډلې په بریدونو کې وژل شوي دي.
