د دغه ولایت د امنیت امر مل پاسوال فرید احمد مشعل د شنبې په ورځ کلید ته وویل، دا برید د ملي امنیت پر ورکشاپ شوی او په وینا یې، د څلورو بریدګرو په وژل کېدو سره پایته ورسېد.
دی زیاتوي، وسله والو لومړۍ پر دغه ورکشاپ موټربم چاودنه وکړه او وروسته درېیو بریدګرو نښته پیل کړه.
هغه زیاتوي، په دې پېښه کې یوازې یو امنیتي سرتېری او یو بل تن ټپیان شوي او نور چاته مرګ ژوبله نه ده اوښتې.
د مشعل په خبره، عملیاتو ځکه دومره وخت ونیو چې امنیتي ځواکونه د ماینونو په شنډولو او د سیمې په پاکولو بوخت وو، چې پر مهال یې ګڼ ماینونه شنډ شوي او له چاودېدونکو توکو ډک یو کرولا موټر هم له منځه وړل شوی دی.
که څه هم امنیتي بنسټونه دا د وسله والو طالبانو کار بولي، خو دې ډلې په دې اړه تبصره نه ده کړې.
تر اوسه د برید مسولیت هم چا نه دی منلی.