ads

په غزني کې د نوي کابل بانک یو کارمند ترور شو

د غزني امنیتي چارواکي د ناپېژندو وسله والو په برید کې د نوي کابل بانک د یو تن کارمند وژل کېدو خبر ورکوي.

محمدخان بریال
23 مرغومی 1399
په غزني کې د نوي کابل بانک یو کارمند ترور شو

د دغه ولایت د امنیه قومندانۍ ویاند احمد خان سیرت وایي، نن سهار اته بجې د کابل بانک یو تن کارمند نصیر احمد عثماني کله چې له کور څخه دندې ته پر لاره و، د دویمې امنیتي حوزې اړوند د حاجي رفیع په ښارګوټي کې د ناپېژندو وسله والو له لوري په بېغږه تفنګچه وژل شوی دی.
سیرت زیاتوي، پولیس تر پېښې وروسته سیمې ته رسېدلي او په دې اړه یې څېړنې پیل کړې دي.
تر اوسه د برید مسولیت چا نه دی منلی.
د یادولو وړ ده چې تر دې وړاندې هم ګڼ کسان په وسله والو بریدونو کې وژل شوي دي.
هېوادوال پر اوسني امنیتي حالت سخت اندېښمن دي او په دې برخه کې د امنیتي ادارو د جدي هڅو غوښتنه کوي.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2021

Copyright 2020 © TKG: A public media project of DHSA