د وژل شوو ماشومانو عمرونه د څو ورځو او څو میاشتو وو.
د سرچینې په وینا، د یاد روغتون ډاکتران پر دې توانېدلي چې تر اورلګېدنې وروسته اووه ماشومان وژغوري.
که څه هم د روغتون کارکوونکي د اور پر وژل کېدو بریالي شوي، خو بیا هم یاده مرګ ژوبله رامنځته شوې او پاتې ناروغان امن سیمې ته لېږدول شوي دي.
تر اوسه د یادې اورلګېدنې علت معلوم نه دی.
دا په داسې حال کې ده چې په ۲۰۱۱ میلادي کال کې هم د هند په یو روغتون کې د اورلګېدنې پر مهال ۹۰ تنو خپل ژوند له لاسه ورکړی و.
