بایډن تېره ورځ پر ډونالډ ټرمپ سختې نیوکې وکړې او د امریکا د امنیتي ادارو د کمزوري کېدو لامل یې هغه وباله.
ده زیاته کړه، د حکومت لېږدوونکې ډلې یې د امریکا له دفاع وزارت مهم امنیتي اسناد نه دې ترلاسه کړي او ټرمپ هڅه کوي چې بایډن دغو معلوماتو ته لاس رسی پیدا نه کړي.
دغه راز جوبایډن د تېرې دوشنبې په ورځ وویل، دفاع وزارت، د بودیجې اداره او د حکومت مدیریت کې یې همکاران له خنډونو سره مخ دي.
تر هغه وروسته د امریکا د دفاع وزیر کریسټوفر مېلر وویل، د واک د لېږدولو ملاتړ لپاره باید له ډېر مسلیکیتوب کار واخلي.
ټاکل شوې د امریکا منتخب جمهور رییس جوبایډن د راتلونکې جنوري میاشتې په ۲۰مه نېټه لوړه وکړي، خو اوسنی او په ټاکنو کې ناکام جمهور رییس ډونالډ ټرمپ تراوسه هم په ټاکنو کې خپله ماتې نه ده منلې.
