د دغه وزارت په خبرپاڼه کې راغلي چې تېره شپه وسلوالو طالبانو د کندهار ولایت په ژیزړۍ او ډنډ ولسوالیو اړوندو سیمو کې د امنیتي ځواکونو پر پوستو بریدونه وکړل.
خبرپاڼه زیاتوي چې افغان ځواکونو د وسلوالو طالبانو بریدونو ته ځواب ورکړ او هغوی یې په شا وتمبول چې په ترڅ کې ۱۲ طالبانو ووژل شول او ۷ تنه نور یې ټپیان شول.
سرچېنه زیاتوي چې د بریدونو په پایله کې د وسلوالو طالبانو یو شمېر وسلې او مهمات هم له منځه وړل شوي دي.
کلید ګروپ په ټویټر او فیسبوک کې وګورئ