نوموړي تېره ورځ ناوخته پر خپل ټوېټرپاڼه لیکلي چې د عمومي خدمتونو ادارې مدیر مورفي ته یې دنده سپارلې چې د قدرت د لېږد لپاره لازم اقدامات وکړي.
نوموړي زیاته کړې چې په ټاکنو کې پر ماتې سربېره به مبارزې ته دوام ورکړي.
مورفي په یو لیک کې لیکلي چې جوبایډن به د فدرال خدمتونو ته لاس رسی ولري، څو د واک په لېږد کې اسانتیا رامنځته شي.
د یادولو وړ ده چې تر دې وړاندې ټرمپ په ټاکنو کې د بایډن له بریا سره مخالفت اعلان کړی و.
هغه ویلي وو چې په ټاکنو کې درغلي شوې او ځان یې د ټاکنو ګټونکی اعلان کړی و، خو د امریکا د ټاکنو کمېټې د ډونالډ ټرمپ هغه ادعا رد کړه چې ګواکي په ټاکنو کې درغلي شوې ده.
دې کمېټې د یوې بیانیې په خپرولو سره ویلي وو چې د امریکا په ترسره شوو ټاکنو کې د درغلۍ پر بنسټ هېڅ سند نشته.
کلید ګروپ په ټویټر او فیسبوک کې وګورئ
