ads

په امریکا کې د کویډ ۱۹ د قربانیانو شمېر تر ۲۵۴ زره واوښت

د جان هاپکېنز پوهنتون د معلوماتو له مخې، په امریکا کې تر ۱۱ میلیونه ډېر کسان پر کورونا اخته شوي او تر ۲۵۴ زره ډېر بیا د دغه ویروس له کبله مړه شوي دي.

شمس الرحمن شمس
1 لیندۍ 1399
په امریکا کې د کویډ ۱۹ د قربانیانو شمېر تر ۲۵۴ زره واوښت

دا په داسې حال کې ده چې په ټوله نړۍ کې پر دې ناروغۍ د اخته کسانو شمېر تر ۵۷ میلیونه ډېر شوی او تر یو میلیون ډېر کسان کورونا ناروغۍ مړه کړي دي.

په ایټالیا کې د دغه ویروس له کبله د مړو شمېر ۴۸ زره او ۵۶۹ تنو ته رسېدلی دی.

د دې تر څنګ په برازیل کې ۱۶۸زره ۶۱۳ په مکسیکو کې ۱۰۰زره او ۸۲۳ په هند کې ۱۳۲زره او ۷۲۶، په بریټانیا کې ۵۴ زره ۳۸۱، په ایران کې ۴۳ زره او ۸۹۶ او په پاکستان کې ۷۶۰۳ تنه تر دې دمه کورونا ویروس وژلي دي.

دا ناروغي د لومړي ځل لپاره په چین کې راڅرګنده شوه، چې تر اوسه یې د نړۍ په ګڼو هېوادونو کې د زرګونه کسانو ژوند اخیستی دی.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2020

Copyright 2020 © TKG: A public media project of DHSA