ads

افغانستان او ایرلنډ په جنوري کې یوورځنۍ لوبې لري

د افغانستان کرکټ بورډ د راتلونکي میلادي کال په جنوري میاشت کې د ایرلنډ پر وړاندې د افغان کرکټ د ملي لوبډلې د درېیو یو ورځنیو لوبو خبر ورکوي.

محمدخان بریال
27 لړم 1399
افغانستان او ایرلنډ په جنوري کې یوورځنۍ لوبې لري

له دې ادارې څخه د سه شنبې په ورځ په خپره شوې خبرپاڼه کې لیکل شوي، د افغانستان د کرکټ ملي لوبډله به د راتلونکې جنوري میاشتې پر ۱۸مه، ۲۱مه او ۲۳مه د ایرلنډ د کرکټ ملي لوبډلې پر وړاندې درې یوورځنۍ لوبې ترسره کړي.
د کرکټ بورډ اداره وایي، ترسره کېدونکې لوبې د ۲۰۲۳م کال یو ورځنیو نړیوال جام لوبو ته د لارموندنې په هدف د دغه نړیوال جام سوپر لیګ سیالیو برخه دي.
دا په داسې حال کې ده چې تر دې وړاندې د کورونا ویروس له کبله په نړیواله او کورنۍ کچه د کرکټ د هر ډول لوبو ترسره کېدل منع شوي وو.

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2021

Copyright 2020 © TKG: A public media project of DHSA