د دې هوکړې پر اساس به هغه سیمې چې اذربایجان د جګړې په پایله کې نیولې، د دغه هېواد په واک کې پاتې کېږي او ارمنستان منلې چې خپل سرتېري به باسي.
که څه هم دا کړنه په اذربایجان کې د خلکو د هرکلي لامل شوې، خو په ارمنستان کې یې د حکومت پر وړاندې د خلکو غبرګونونه پارولي دي.
رویټرز خبري اژانس وایي، د ارمنستان جمهور رییس څرګنده کړې چې په راتلونکو ورځو کې به په دې اړه وینا وکړي.
نګورنو قره باغ سیمه د اذربایجان برخه بلل کېږي، ډېر نفوس لري او په ۱۹۹۱ میلادي کال کې د شوري اتحاد تر ماتې وروسته له اذربایجان بېله شوې وه.
