پنسلوانیا، جورجیا، شمالي کارولینا، اریزونا او نواډا هغه پنځه ایالاتونه دي چې رایه شمېرنه یې دوام لري.
د امریکا هغه ایالاتونه چې رایه شمېرنه یې شوې، بایډن تر ټرمپ مخکې دی.
په همدغه ترتیب، د بایډن د ټولو الکترال رایو شمېر ۲۶۴ ته رسېدلی، په داسې حال کې چې د هغه سیال ډونالډټرمپ ۲۱۴ رایې لري.
د امریکا د ټاکنو نوماندان د بریا لپاره د ۵۳۸ الکترال رایو له ډلې ۲۷۰ رایو ته اړتیا لري.
په ورته وخت کې د امریکا اوسني جمهور رییس ټرمپ ګواښ کړی چې په ټاکنو کې درغلي شوې او اوسنۍ رایه شمېرنه نه مني.
