په سويل کې د ۲۰۵ اتل قول اردو وياند احمد صادق عیسی کليد ته وويل، ياد بريدونه تېره شپه افغان هوايي ځواکونو ترسره کړي دي.
بلخوا، افغان امنیتي چارواکي خبر ورکوي چې ددغه ولايت په دهراوود ولسوالۍ کې د هغو سيمو د بيرته نيولو پلان لري چې څه موده مخکي د افغان ځواکونو له ولکي وتلې دي.
د ارزګان امنيه قومندان مل پاسوال محمدخطاب خنجري کليد ته وويل، افغان ځواکونه پلان لري، څو د سيمي د بیرته نيولو لپاره پراخ عمليات پیل کړي او د يادې ولسوالۍ امنيتي وضيعت کنټرول کړي.
وسله والو طالبانو بیا تر دامهاله په دې اړه رسنيو ته څه نه دي ويلي.
د دهراوود او ګيزاب ولسوالۍ د جګړو بیځايه شوي مرکز ترينکوټ ته هم راګډه شوي او دلته له لوږې او روغتيايي ستونزو سره مخ دي.
