د دغه ولایت د امنیه قومندانۍ ویاند عادل حیدر کلید ته وویل، تېره ورځ مازدیګر مهال دوه ماین لېږدونکي د مرکز اړوند د خاني کنډو په سیمه کې پخپل لېږدونکي ماین کې له منځه تللي دي.
د هغه په وینا، یادو کسانو هوډ درلود چې دغه ماینونه د خوست ولایت مرکز ته ولېږدوي.
نه یوازې خوست، بلکې د هېواد په ګڼو ولایتونو کې ماین چاودنې ډېرې شوې چې ملکي کسانو ته هم پکې پراخه مرګ ژوبله اوړي.
که څه هم امنیتي مسولین دا د وسله والو طالبانو کار بولي، خو دې ډلې په دې اړه غبرګونه نه دی ښودلی.
