د سر چینې په وینا، د روسیې په دولتي ټلویزیون کې د یوې دولتي غونډې پرمهال پوتین ساینس پوهانو ته د واکسین تصویبولو مبارکي وویله.
پوتین د دغه واکسین پر ډېر تولید او نورو هېوادونو ته یې پر لېږد ټینګار کړی دی.
دا په داسې حال کې ده چې په تېره اګېست میاشت کې هم روسیه لومړی هېواد و چې د کورونا پر ضد د واکسین چمتو کېدولو اعلان یې کړی و.
که څه هم د روسیې لخوا دغه واکسین له خطره خالي بلل شوي وو، خو د روغتیا نړیوال سازمان څخه یې رسمي تایید ترلاسه نه کړ.
