د دغه وزارت مرستیالې ویاندې معصومې جعفري د پنجشنبې په ورځ کلید ته وویل چې په یاده موده کې له دې وبا څخه څوک نه دي مړه شوي او ۹۳ نور ترې روغ شوي چې په دې سره د مړو شمېر ۱۴۸۱ او د رغېدلو کسانو شمېر ۳۳ زره او ۴۴۷ تنو ته ورسېد.
روغتیایي چارواکي وایي، کویډ ۱۹ ناروغي لاهم جدي ګواښ ده او هېوادوال باید روغتیایي لارښوونو ته پام وکړي.
دا ناروغي د لومړي ځل لپاره په چین کې راښکاره شوه چې تر اوسه یې د نړۍ په ډېر شمېر هېوادونو کې د زرګونه کسانو ژوند اخیستی دی
