د دغه سفارت له لوري د سه شنبې په ورځ په خپره شوې اعلامیه کې ویل شوي چې په ننګرهار، کندهار، هرات او مزار شریف ولایتونو کې هم د پاکستان کونسلګریو ته د ویزو ورکړې سپارښتنه شوې ده.
سفارته ویلي، هڅه کوي چې د افغانانو لپاره د پاکستان د ویزو د نوې اعلان شوې تګلارې له مخې دا بهیر ساده او اسانه کړي.
په ورته مهال، د پاکستان سفارت په خپله اعلامیه کې ټینګار کړی چې ویزې وړیا دي او هېڅوک دې چاته پېسې نه ورکوي.
د پاکستان سفارت پر داسې مهال د ویزو ورکړې په برخه کې د اسانتیا خبره کوي چې تېره ورځ د دغه سفارت مخې ته یو شمېر خلکو لاریون وکړ.
لاریونوالو ادعا وکړه چې د ویزو ورکولو پروسه پېچلې ده او د سفارت مخې ته ناستو کمېشن کارانو دا لړۍ له ستونزو سره مخ کړې ده.
کلید ګروپ په ټویټر او فیسبوک کې وګورئ
