د امنیت شورا له لوري پرون په خپره شوې خبرپاڼه کې راغلي چې په دې ناسته کې د هېواد پر عمومي امنیتي حالت او په دې برخه کې د فعالیتونو د پرمختګونو په تړاو خبرې وشوې.
خبرپاڼه زیاتوي، په ناسته کې د ولایتونو د لا ښه امنیت د تامین په هدف د ځواکونو پر تجهیز ټینګار وشو.
سرچینه وایي، د ملي امنیت سلاکار امنیتي ځواکونه وستایل او زیاته یې کړه چې افغان سرتېري په هر ډول حالاتو کې له خپلې خاورې او خلکو د دفاع وړتیا لري.
د ولایتونو د لاښه امنیت په هدف د امنیتي سکټور ناسته پر داسې مهال ترسره کېږي چې په دې وروستیو کې د افغان ځواکونو او طالبانو تر منځ نښتو زور اخیستی او ګڼې سیمې له جدي امنیتي ګواښ سره مخ دي.
کلید ګروپ په ټویټر او فیسبوک کې وګورئ
