دفاع وزارت خبر ورکوي چې ځواکونو یې په کندهار او تخار کې د چاودنو مخنیو کړی
د دغه وزارت په خبرپاڼه کې راغلي چې تېره شپه طالبانو ۷کړۍ د وسایطو ضد ماینونه د کندهار ولایت په میوند ولسوالۍ کې د ملکي خلکو د مرګ ژوبلې په هدف ځای پر ځای کړي و چې د افغان ځواکونو لخوا کشف او چاودنه ورکړل شوه.
د خبرپاڼې په حواله په تخار ولایت کې بیا د ۱۴ماینونو د چاودنو مخنیوی شوی دی.
سرچېنه زیاتوي تېره ورځ طالبانو ۱۱ کړۍ ماینونه د تخار ولایت “بهارک” ولسوالۍ اړوند او ۳ کړۍ ماینونه د “چاه آب” ولسوالۍ کې د ملکي خلکو د مرګ ژوبلې په موخه ځای پر ځای ځای کړي ؤ چې د افغان ځواکونو لخوا کشف او د لسګونه افغانانو ژوند وژغورل شو.
وسله والو طالبانو پیا په اړه کوم غبرګونه نه دی ښودلی.
