دا خبرې داسې مهال کېږي چې تېره ورځ د امریکا جمهور رییس ډونالډ ټرمپ پر خپله توېټر پاڼه ولیکل چې د راتلونکي کال تر پایه به له افغانستان څخه ټول سرتیري ووځي.
خو د ناټو سرمنشي وايي، افغانستان ته د تګ پرېکړه په ګډه شوې او د راتلونکو بدلونونو په هکله به هم پرېکړه په ګډه کوي.
ستولتنبرګ ټینګار کړی چې افغانستان کې د ځواکونو شتوالی له اوږدمهاله امنیت سره مرسته کوي او دا د غړو هېوادونو په ګټه دی.
له طالبانو سره د شوې تړون له مخې امریکا خپل ځواکونو وباسي او د دې تړون له مخې طالبان د سولې لپاره له افغان حکومت سره خبرو ته ناست دي چې اوس په دوحه کې روانې دي.
کلید ګروپ په ټویټر او فیسبوک کې وګورئ
