د راپورونو له مخې امریکا غواړي چې ایران له نړیوال بانکي سیستم څخه ګوښه وساتي څو دغه هېواد د اټومي وسلو جوړولو جوګه نشي.
تازه واشنګټن د ایران هېواد په ۱۸ بانکونو نوي بندیزونه اعلان کړي دي او دا هغه بانکونه دي چې تر اوسه پورې د امریکا د پخوانیو بندیزونو څخه لرې پاتې وو.
د امریکا د خزانې وزارت لخوا په خپره شوې خبر پاڼه کې راغلي، چې نوي بندیزونه به له دې سره مرسته وکړي چې د ایران د حکومت هغه مالي سرچینې بندې کړي چې د خپل اټومي پروګرام، د میزایلو د ودې، ترهګرۍ، د ترهګرو شبکو پاللو او په سیمه کې د خپل ناوړه اغیز لپاره وکاروي.
د امریکا د خزانې وزیر سټېفن منوچن ویلي، چې امریکا به په بشري برخه کې د پيسو لېږد را لېږد ته همداسې اجازه ورکړي تر څو د ایران له خلکو سره مرسته وشي.
ایران حکومت تر اوسه د امریکا دغه تازه بندیزونو په اړه کوم غبرګون نه دی ښودلی.
کلید ګروپ په ټویټر او فیسبوک کې وګورئ
