هغه د پنجشنبې په ورځ پر خپل ټوېټرپاڼه دا خبره کړې ده.
ټرمپ څو دقیقې وروسته دا څرګندونې کوي چې د هغه د ملي امنیت سلاکار رابریټ اوبراین رویټرز خبري اژانس ته وویل چې تر راتلونکي میلادي کاله به امریکا په افغانستان کې د خپلو سرتېرو شمېر ۲۵۰۰ ته راټیټ کړي.
د یادولو وړ ده چې اوسمهال تر پنځه زره لږ امریکایي سرتیري په افغانستان کې مېشت دي او دنده یې د افغان سرتیرو روزل او هغوی ته سلا مشورې ورکول دي.
دا په داسې حال کې ده چې د روان میلادي کال په فبرورۍ کې د امریکا او طالبانو تر منځ د شوې هوکړې پر اساس به تر ۲۰۲۱ میلادي کاله ټول امریکایي سرتیري له افغانستان څخه وځي، طالبان به اوربند کوي او له افغان حکومت سره به مخامخ خبرې پیلوي.
