د دغه ولایت د امنیه قومندانۍ ویاند فردوس فرامرز وایي، نن سهار اته بجې او ۱۰ دقیقې د کابل ښار د اتمې امنیتي حوزې په هېوادوال سیمه کې پر یو لنډکروزر موټر د مقناطیسي ماین چاودنه شوې ده.
د ده په وینا، په یاده پېښه کې یوازې دوه ملکي وګړي ټپیان شوي دي.
تر اوسه د دې پېښې مسولیت هم چا نه دی منلی.
د یادولو وړ ده چې په دې وروستیو کې یو ځل بیا په مرکز کابل او ولایتونو کې مقناطیسی ماین چاودنې ډېرې شوې او هېوادوال یې امنیتي چارواکي په مخنیوي کې پاتې بولي.
کلید ګروپ په ټویټر او فیسبوک کې وګورئ
