د دغه ولایت د والي ویاند واحدالله جمعه زاده وایي، پرون شپه ناوخته د اندړ ولسوالۍ د سرفراز په سیمه کې هوایي ځواکونو د طالبانو پر هغه ډله هوایي بریدونه وکړل چې په سیمه کې یې د ناوړه کړنو ترسره کولو پلان درلود.
د ده په خبره، په دغو بریدونو کې ۱۱ وسله وال طالبان وژل شوي او یو بل ټپي شوی دی.
هغه زیاته کړه، په نښه شوي کسان د ملا سبحان او شېرغاړ د ګروپونو اړوند کسان وو.
د جمعه زاده په وینا، په ترسره شوو هوایي بریدونو کې د طالبانو یو فلډر موټر او ګڼې سپکې او درنې وسلې هم له منځه وړل شوې دي.
تر اوسه وسله والو طالبانو په دې اړه غبرګون نه دی ښودلی.
کلید ګروپ په ټویټر او فیسبوک کې وګورئ
