د ننګرهار سیمه ییز چارواکي د دغه ولایت د غني خېلو ولسوالۍ پر ودانۍ د موټر بم برید خبر ورکوي.
د ولايت وياند عطاءالله خوګياڼي کليد ته وويل، چې ياد موټربم برید نن غرمه مهال دولس بجې او شل دقيقې ترسره شوی دی.
نوموړی وايي، د لومړنيو معلوماتو له مخې په چاودنه کې ۱۵ تنه وژل شوي او ۴۰ تنه ټپيان دي.
خوګياڼی وايي، چې تر چاودنې وروسته يو شمېر بريدګرو غوښتل د ولسوالۍ ودانۍ ته دننه شي؛ خو د امنيتي ځواکونو له لورې يې مخه نیول شوې او ټول بريدګر وژل شوي دي.
د خوګیاڼي په خبره په ټپیانو کې ماشومان، سپین ږیري، مېرمنې او څلور سرتیري شامل دي چې د ځینو روغتیایي وضعیت د اندېښنې وړ ښودل شوی
تر اوسه کومې وسله والې ډلې د یادې پېښې مسوولیت نه دی منلی.
کلید ګروپ په ټویټر او فیسبوک کې وګورئ
