د افغان سولې لپاره د امریکا ځانګړي استازي زلمي خلیلزاد په دوحه کې د طالبانو د سیاسي دفتر له مشر ملا برادر سره کتلي دي.
په دوحه کې د طالبانو د سیاسي دفتر ویاند محمد نعیم وردګ پر خپله ټوېټر پاڼه لیکلي چې تېر ماښام زلمي خلیلزاد له ملا برادر سره له نږدې وکتل او دواړو لور د دوحې تړون پر عملو کولو ټینګار وکړ.
نوموړي همدارنګه ویلي چې په دغه لیدنه کې د بندیانو د خلاصون، د سولې او بين الافغاني مذاکراتو په اړه هم بحثونه وشول.
دا په داسې حال کې ده چې د څو اونیو په تېرېدو سره لاهم د دواړو خواوو د تماس ډلې د بین الافغاني خبرو لپاره پر کړنلاره سره نه دي سلا شوي.
