ارمانستان دا غوښتنه وروسته له هغه کوي چې افغان حکومت د نګورنو قره باغ سیمه کې د اذربایجان په ملاتړ څرګندونې وکړې.
نګورنو قرباغ په سیمه د تېرې یکشنبې ورځ راهیسې د اذربایجان او ارمانیستان پوځیانو ترمنځ نښته روانه ده.
څو ورځې وړاندې د افغانستان د بهرنیو چارو وزارت د نګورنو قره باغ په اړوند سیمه کې د آرمانیا او آذربایجان تر منځ پر روانو نښتو اندېښنه وښوده او له اذربایجان هېواد څخه یې خپل ملاتړ اعلان کړ.
د بهرنیو چارو وزارت وایي د نګورنو قره باغ سیمه په نړیواله کچه د آذربایجان د یوې برخې په توګه پېژندل شوې او په دې اړه د آذربایجان، نړۍ او د نورو هېوادونو د خلکو او حکومت له هڅو ملاتړ کوي.
نګورنو قره باغ سیمه د دواړو هېوادونو ترمنځ یوه جنجالې موضوع ده چې کلونه کېږي هلته ارمني ځواکونو حاکم دي او آذربایجان ترې غواړي چې د دوی خاوره پریږدي او که نه جګړه به همداسې دوام لري.
کلید ګروپ په ټویټر او فیسبوک کې وګورئ
