د دواړو لورو تر منځ د کره باغ په سیمه کې له تېرو څو ورځو راهیسې نښتې روانې دي او د سختو جګړو خبرونه ورکړل شوي دي.
د کره باغ سیمې چارواکو ویلي، د یادو نښتو په پایله کې له تېرې ورځې راهیسې ۸۷ نظامیان وژل شوي او ۱۲۰ نور ټپیان شوي دي.
بلخوا، د ارمنستان پوځ په دغو نښتو کې د اذربایجان د پوځ مرګ ژوبله ۴۰۰ تنه اعلان کړې ده، خو اذربایجان په یادو نښتو کې د خپلو اوو سرتیرو وژل کېدل منلي دي.
ارمنستاني چارواکو ادعا کړې چې په کره باغ سیمه کې د جګړې پر مهال د ترکیې یوې جیټ الوتکې د دوی یوه جنګي الوتکه غورځولې ده.
ترکیه- چې په دغه شخړه کې د اذربایجان ملاتړ کوي- د ارمنستان د الوتکې وېشتل ردوي.
