د کونړ ولایتي چارواکي په دې ولایت کې د لشکر طیبه وسله والې ډلې د پنځو تنو د مرګ ژوبلې خبر ورکوي.
ددې ولایت د والي ویاند عبدالغني مصمیم کلید ته وویل، تېره شپه د ملي امنیت ځانګړو ځواکونو د دې ولایت په اسمار ولسوالۍ کې عملیات ترسره کړي چې په پایله کې یې د لشکر طیبه وسله والې ډلې درې پاکستاني وسله وال وژل شوي او دوه نور ټپیان شوي دي.
د نوموړي په خبره په دې عملیاتو کې افغان ځواکونو یو شمېر وسلې اومهمات هم ترلاسه کړي دي.
د لشکر طیبه وسله والې ډلې تر اوسه په دې اړه رسنیو ته څه نه دي ویلي.
کلید ګروپ په ټویټر او فیسبوک کې وګورئ
