نوموړي هغه تحلیل رد کړی چې طالبان د بهرنیو ځواکونو وتلو ته په تمه دي او په وتلو سره به یې دا ډله د افغانستان اوسنی حکومت نسکور او واک به پخپل لاس کې واخلي.
ده زیاته کړې، که طالبان له حکومت سره سوله وکړي او جګړې ته دوام ورنه کړي، د داعش په څېر نورې ډلې نه شي کولی چې افغان حکومت او افغانانو ته په ګواښ بدلې شي او په وینا یې، داعش او نورې ډلې به پخپله له منځه ولاړې شي.
دا په داسې حال کې ده چې اوس هم د افغان حکومت او طالبانو د تماس ډلې په دوحه کې پر خبرو بوختې دي، څو د رسمي مذاکراتو پر چوکاټ هوکړه وکړي.
