ads

کابل بازان لوبډله د شپږیزه لیګ پای لوبې ته ووتله

د شپږیزه کرکټ لیګ په لومړۍ نیمه پایلوبه کې ایوبي کابل بازانو لوبډلې حضرت لمېټېډ مس عینک اتلانو ته په څلور ویکټو ماتې ورکړه.

شمس الرحمن شمس
25 وږی 1399
کابل بازان لوبډله د شپږیزه لیګ پای لوبې ته ووتله

د پرونۍ لوبې پچه ایوبي کابل بازان لوبډلې وګټله او لومړی یې د توپ اچوونې پرېکړه وکړه.
مس عینک اتلانو لوبډلې په ټاکلو ۲۰ اورونو کې د درېیو لوبغاړو په سوزېدو سره خپلې سیالې لوبډلې ته د ۲۰۹ منډو هدف وټاکه.
د حضرت لمېټېډ مس عینک اتلانو لپاره حشمت الله شهیدي ۹۷، غمي ځدران ۴۶ او محمد شهزاد ۴۰منډې جوړې کړې.
د ایوبي کابل بازانو لوبډلې تېزه توپوهنه پیل کړه چې د نور علی ځدران د ۸۶، د عظمت الله عمرزي د ۶۲ منډو په ترسره کولو سره یې ورکړل شوی هدف په ۱۹ اورونو کې بشپړ کړ.
ټاکل شوې نن د مس عینک او بند امیر ښامارانو ترمنځ نیمه پایلوبه ترسره شي چې ګټونکې لوبډله به سبا په پای لوبه کې له کابل بازانو سره سیالي ترسره کړي.

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA