نوموړي وویل چې په بین الافغاني خبرو کې به د نظام پر نوعیت هم بحث وشي.
عبدالله د کلید راډیو خبریال حامد کوهستاني د دې پوښتنې په ځواب کې چې ایا د اوربند ټینګېدو په تړاو څومره هیلې شته او په دې برخه کې د نړیوال دریځ څه دی، وویل چې د ټولو نړیوالو غوښتنه په هېواد کې د اوربند ټینګېدل و.
هغه زیاته کړه، په لومړی قدم کې اړتیا ده چې تاوتریخوالی په بېساري ډول کم شي او په مخامخ خبرو کې به پر دې مسایلو بشپړ بحث وشي.
عبدالله همدارنګه څرګنده کړه چې د حکومت او طالبانو تر منځ به په مخامخ خبرو کې بهرنیان نه وي، خو به خبره یې، کېدایشي هغوی ته اړتیا پیدا شي او په دې برخه کې به مرسته وکړي.
د یادولو وړ ده چې د افغان حکومت او طالبانو تر منځ پرون د بین الافغاني خبرو پرانستغونډه ترسره شوه او ټاکل شوې چې د دوشنبې پر ورځ دواړه لوري په رسمي ډول مخامخ خبرو ته دننه شي.
