خبرپاڼه وایي، دواړو لورو په دې لیدنه کې د افغانستان او سیمې پر امنیتي حالت بحث او خبرې کړې دي.
سرچینه زیاتوي، دغه امریکایي قومندان په دوحه کې د بین الافغاني خبرو د پیل مراسم د افغانستان د سولې لپاره یو مهم پرمختګ بللی او له افغان امنیتي ځواکونو څخه یې د خپل هېواد د ملاتړ ډاډ ورکړی دی.
نوموړي ویلي، د امریکا ټولې پرېکړې به د افغان حکومت په مشوره ترسره کېږي.
د ارګ خبرپاڼه وایي، جمهور رییس غني د یو ډیموکراټ او خپلواک افغانستان په تړاو د امریکا اوسنی دریځ ستایلی دی.
دواړه لوري پر داسې مهال یادې څرګندونې کوي چې تېره ورځ تر اوږده ځنډ وروسته د قطر هېواد په پایتخت دوحه کې د افغان حکومت او طالبانو تر منځ د مخامخ خبرو پرانیستغونډه وشوه او ټاکل شوې چې د دوشنبې په ورځ رسمي خبرې پیل شي.
