د خوست سیمه ییز چارواکي وايي، چې تېره شپه ددغه ولایت د مرکز اړوند د کونډیو په سیمه کې د واده پر مراسمو د موټر سایکل بم چاودنې له کبله ۱۲تنو ته مرک ژوبله واوښته
د امنيه قوماندانۍ وياند عادل حيدر وويل چاودنه د واده د هغو ګډونوالو په منځ کې شوې، چې د محلي سندرغاړو کنسرت ته راټول وو.
هغه وويل چاودنه کې څلور کسان وژل شوي او اته نور ټپيان دي، چې ټول ملکي خلک دي.
د حيدر په وينا، دغه واده د ملي اردو د يوه چارواکي و، چې هغوی ته په کې زيان نه دی رسیدلی.
بل پلو د خوست د ملکي روغتون رییس ډاکټر سيد انور وويل چې دوی ته د پېښې له ځايه څلور جسدونه او دوه ټپيان ور وړل شوي دي.
د پېښې مسووليت تردې دمه چا پر غاړه نه دی اخیستی.
کلید ګروپ په ټویټر او فیسبوک کې وګورئ
