د ننګرهار والي ضیاالحق امرخېل وایي، چې دوه نیم کلن ریحان الله ۲۱ ورځې وړاندې په خوست ولایت کې د انسان تښتوونکو له لورې تښتول شوی وو او له کورنۍ څخه یې په بدل کې پنځه میلیونه افغانۍ غوښتې وې.
امرخیل زیاته کړه په همدې تړاو تیره شپه د ملي امنیت ځانګړو ځواکونو په شیخ مصري سیمه کې عملیات ترسره کړل، چې پر مهال یې نوموړی ماشوم د انسان تښتوونکو له منګولو ازاد او د تښتونې په تور یې یو تن هم نیول شوی دی.
چارواکي وایي، په دې وروستیو کې یې د جنایي جرمونو پر وړاندې مبارزه کړندۍ کړې، چې پر مهال یې ګڼ شمیر کسان نیول شوي دي.
کلید ګروپ په ټویټر او فیسبوک کې وګورئ
