د افغانستان په چارو کې د ملګرو ملتونو ځانګړې استازې دېبورا لاینز وایي افغانان د بین الافغاني خبرو پیل ته ډېر نږدې شوي او تمه شته چې دا خبرې ژر پیل شي.
نوموړې وویل چې په دغو بین الافغاني خبرو کې به د ښځو حقونو پر مسئله ډېر تمرکز وي هغې همدارنګه په دې خبرو کې د مېرمنو په ډېر ګډون ټینګار وکړ.
دا په داسې حال کې ده چې د حکومت په مرکچي پلاوي کې پنځه داسې مېرمنې ګډون لري چې د طالبانو حاکمیت یې لیدلی دی.
دېبورا لاینز په مرکچي پلاوي کې د مېرمنو له ګډون څخه هرکلی کوي او په دې برخه کې یې تمه وښوده چې افغان حکومت په دې برخه کې نورو مېرمنو ته هم ونډه ورکړي.
ټاکل شوې ده چې د افغان او طالبانو ترمنځ بین الافغاني خبرې په دوحه کې پیل شي.
کلید ګروپ په ټویټر او فیسبوک کې وګورئ
