د دې شورا ویاند جاوېد فیصل پر خپل ټویټرپاڼه دا خبره کړې ده.
امنیت شورا ویلي، د پاتې اوو طالب بندیانو د خوشي کېدو په تړاو هم ډیپلوماټيکي هڅې روانې دي.
فیصل په ورته وخت کې د طالبانو له خوا د پاتې کمانډو سرتیرو د خوشي کېدو خبر هم ورکړی دی.
بلخوا، ټاکل شوې چې نن د افغان حکومت مذاکره کوونکی پلاوی له طالبانو سره د مخامخ خبرو پیلېدو لپاره دوحې ته سفر وکړي.
که څه هم حکومت په رسمي ډول دا خبره نه ده تایید کړې، خو ویل کېږي چې د حکومت د مذاکره کوونکي پلاوي تخنیکي ټیم د خبرو پیلېدو لپاره دوحې ته رسېدلی.
دغه ډله پنځه کسيزه ښودل شوې چې په قطر کې د افغان پلاوي لپاره هلته د اوسېدو او د سفر ځينې چارې برابروي.
