نوموړي پرون رسنیو ته دا خبره کړې او زیاته کړې یې ده چې د جرمونو د نړیوالې محکمې قضایه، متمم او د همکارۍ څانګه د هغو بندیزونو له مخې په تور لېست کې شامل شوي چې جمهو رییس ټرمپ د جون په میاشت کې اعلان کړي وو.
په دغو بندیزونو کې د شتمنیو کنګلول او نورو هېوادونو ته د هغوی د سفرونو مخنیوی شامل دي.
ده څرګنده کړې، واشنګټن به پر هغو کسانو او ادارو هم بندیزونه ولګوي چې له بېنسوډا او موچوچوکو سره خپلو همکاریو ته دوام ورکوي.
د جرمونو نړیوالې محکمې د مارچ په میاشت کې څارنوالې بېنسوډا ته د څېړنو د پیلولو لارښونه وکړه، څو څرګنده شي چې ایا طالبانو، افغان پوځیانو او امریکايي سرتیرو په افغانستان کې جنګي جرمونه کړي، که نه؟
فاتو بنسوډا د ۲۰۱۷ میلادي کال په وروستیو کې د نړیوالې محکمې له قاضیانو اجازه وغوښته چې په افغانستان کې د امریکايي ځواکونو په ګډون د نړیوالو ځواکونو، افغان حکومتي سرتیرو او طالبانو د جنګي جنایتونو تورونه وڅېړي.
