جمهور رییس غني د فرانسې له جمهور ریس سره د طالب بندیانو خوشي کولو په اړه خبرې کړې دي.
ارګ وایي جمهور رییس محمد اشرف غني پرون د فرانسې جمهور رییس امانوئل مکرون سره ټلیفوني خبرې کړې دي.
سرچېنه زیاتوي چې دواړو مشرانو د همکاریو د پراختیا، سولې پروسې او له افغانستان سره د فرانسې د مرستو د ددوام په اړه غږېدلي دي.
امانوئل مکرون په خپلو خبرو کې د سولې او بیا روغونې په برخه کې د ملاتړ ترڅنګ د لازمې همکارۍ ډاډ ورکړی.
په خبرپاڼه کې همدارنګه ویل شوي چې دواړو مشرانو د بندیانو پر تبادلې هم خبرې کړې دي.
دا خبرې داسې مهال کېږي چې له دې وړاندې د فرانسې هېواد د ځینو بندیانو خوشې کولو سره مخالفت ښودلی و او له افغان حکومت یې غوښتي و چې هغه بندیان خوشې نه کړي چې د دوی وګړي یې وژلي دي.
کلید ګروپ په ټویټر او فیسبوک کې وګورئ
