د ملي مصالحې د عالي شورا له خوا په خپره شوې خبرپاڼه کې ویل شوي چې په دغه کتنه کې دواړو لورو د سولې د پروسې په وروستیو بدلونونو،د بندیانو په تبادلې او د بین الافغاني خبرو په پیل خبرې اترې وکړې.
په همدې حال کې د افغانستان لپاره د المان ځانګړي استازي مارکس پوتزل د طالبانو د سیاسي دفتر له غړو سره په قطر کې لیدلي دي.
د طالبانو د قطر د دفتر ویاند سهیل شاهین په خپله ټویټرپاڼه لیکلي دي چې په دې کتنه کې په افغانستان کې په روان وضعیت، د زندانیانو په خوشې کولو او د بین الافغاني خبرو په پیل خبرې اترې وشوې.
دا په داسې حال کې ده چې په روانه اونۍ کې د طالبانو د قطر د دفتر مشر ملاعبدالغني برادر په پاکستان کې د دغه هېواد د بهرنیو چارو له وزیر شاه محمود قریشي سره په سوله او بین الافغاني مذاکراتو بحث وکړ.
کلید ګروپ په ټویټر او فیسبوک کې وګورئ
