بهرنۍ رسنۍ د امریکا د دفاع وزارت ویاند جاناتان هافمن له قوله ویلي چې له طالبانو سره د شوې هوکړې لاسلیک وروسته یې زرګونه سرتیري له افغانستان څخه ایستلي دي.
دی زیاتوي چې دفاع وزارت د پوځیانو شمېر کم کړی خو پر وړاندې یې د پوځیانو وړتیا دوه برابره لوړه کړې ده او هر ډول احتمالي ګواښ څخه مخنیوی کولای شي.
نوموړي ویلي امریکایي سرتېري له پنځو نظامي اډو وتلي دي او دغه اډې دمګړی افغان ځواکونو ته سپارل شوې دي.
هافمن وایي اوسمهال افغانستان کې ۸۶۰۰امریکایي سرتیري پاتې دي چې دا شمېر به هم راکم شي.
د امریکا دفاع وزارت ویاند همدارنګه ویلي چې د ناټو له غړو هېوادونو سره په ګډه د افغان ځواکونو روزنې او ملاتړ ته دوام ورکوي
کلید ګروپ په ټویټر او فیسبوک کې وګورئ
